ست الحسن
عدد المساهمات : 65 نقاط : 97 تاريخ التسجيل : 18/08/2014 الموقع : موقع جمعية الشهيد الخيرية
| موضوع: لما كان التقويم المصري, إسمه التقويم التوتي الجمعة أغسطس 22, 2014 3:25 pm | |
| [center]
لما كان التقويم المصري, إسمه التقويم التوتي مصر طول عمرها شغالة بالتقويم المصري, من سنة 4241 ق.م, إنما للأمانة, مكنش تقويم مستمر, يعني بيبدأ العد مع حكم كل ملك "حقا" مصري, وينتهي بنهاية عهده, ويبدأ التصفير من جديد, وهكذا. الرومان هوما أول ناس عملوا تقويم مستمر, من عشر شهور, وأيام سنتها بتتغيير حسب الظروف السياسية, إنما لما يوليوس قيصر دخل مصر, وشاف تقويمها المظبوط باليوم والساعة والدقيقة, كلف الفلكيين اللي في مكتبة إسكندرية (حوالي سنة 45 ق.م) يظبطوا التقويم الروماني على حسب التقويم المصري, وأصبح إسمه التقويم اليولياني. سنة 284 ميلادية, الكنيسة المصرية إعتمدت التقويم المصري, بداية من السنة دي اللي هي سنة الشهداء المسيحيين, بإسم "تقويم الشهداء", إنما مصر كلها إستخدمته حتا بعد ما أصبحت الأغلبية مسلمين, بإسم التقويم القبطي, ولغاية إنهاردة الفلاحين (مسلمين ومسيحيين) بيزرعو وينظمو أعمالهم حسب شهور التقويم المصري. في عهد محمد علي باشا, مع تحديث الإدارة, أصدر قرار سنة 1839 بإعتماد التقويم المصري أساس لأعمال الحكومة, إنما بإسم "التقويم التوتي" نسبة لأول شهر من شهوره "توت", عشان يهرب من الإسم اللي كانو فاكرينه إسم طائفي. في نهاية عهد الخديوي إسماعيل, وبسبب الديون, أصبحت الإدارة المالية مع الإنجليز, اللي صممو يلغو التقويم التوتي, فصدر سنة 1875 قرار إعتماد التقويم الجريجوري (الميلادي). ثار الموظفين وإعترضو على التغيير, والصراحة إن الثورة مكنش سببها غيرة على التقويم الوطني, إنما كان السبب إن التقويم التوتي من 13 شهر, بإضافة الشهر الصغير (5 أيام), وكانو بيقبضوا قيمة شهر كامل عن الشهر الصغير, الإنجليز ضحكو عليهم وصرفو لهم مكافأة تعويض أول سنة, لحد ما هديو, وبعد كدا إشتغلوا بالتقويم الجريجوري الميلادي, لحد إنهاردة. سنة 1997 عرفت المعلومات دي, وغيرها في صالون محسن لطفي السيد, وصممت أنشر بين المصريين تقويمهم الأصلي, وبمعاونة صديقي "بيومي قنديل" حسبنا التقويم المصري المستمر من سنة 4241 ق.م, وقمت بتصميم وتنفيذ أول نتيجة للتقويم المصري, ومن يومها وكل سنة تطلع النتيجة وأعمل ندوة أو مقالة, لغاية سنة 2007, إنضم لي مازن مصطفى وإيهاب قاسم وعزة سليمان, وعملنا أول حفلة كبيرة للتقويم المصري, وكانت في القرية الفرعونية. بعد كدا, إنضم للفريق ناس كتير, وإهتمت جمعيات ومؤسسات, والسنة قبل اللي فاتت وزارة الثقافة كلفتني أعمل أجندة رسمية للتقويم المصري عن السنة 6254, والسنة اللي فاتت محافظ الدقهلية إستضافني في أكبر قاعة بالمحافظة, عشان أتكلم عن التقويم, بالإضافة إننا كل سنة كان فيه حفلات مختلفة في حديقة الأزهر والمجلس الأعلى للثقافة وغيرها, وكنا بناخد مركب مع اصدقاءنا ونحتفل في النيل. السنة دي (6256) الإحتفالات بالسنة المصرية الجديدة, هتبدأ في إسكندرية (30 أغسطس), وفي القاهرة (6 سبتمبر), وفي المنيا (7 سبتمبر), وفي المنصورة (9 سبتمبر), وفي الهرم (10 سبتمبر), وفي المتحف القبطي (13 سبتمبر), وفي دهب وشرم الشيخ (14 سبتمبر) وتنتهي الإحتفالات بحفل فني كبير في كلوب محمد علي (19 سبتمبر) ... دي الفعاليات اللي عندي إتصال باللي بينظموها, إنما بالتأكيد ناس تانية مصريين, زينا وأحسن شوية, هيحتفلو ويخلدو أهم حدث فلكي عند المصريين, تنظيم الوقت, وترويض الزمن, بالسنة المصرية, والتقويم المصر [/center] | |
|
ممدوح السروى Admin
عدد المساهمات : 757 نقاط : 1598 تاريخ التسجيل : 24/03/2014 الموقع : موقع جمعية الشهيد الخيرية بالسنبلاوين
| موضوع: رد: لما كان التقويم المصري, إسمه التقويم التوتي الجمعة أغسطس 22, 2014 10:43 pm | |
| | |
|