الوفاء العظيم

دي صورة عند مدفن واحدة اسمها "منى" توفت من زمان ، جوزها عمره ما نسيها فى أي حدث بيحصل في حياته و بيروح يكتبه بتاريخه على مكعبات الطوب اللي حوالين المدفن كأنه بيحكيلها :-
- زوجتى وحبيبتى الغاليه منى ، النهاردة رانيا بنتنا نجحت جابت 86%
- النهاردة فرح بنتك ألف مبروك يا منى
- أنا عندي مشكلة مضايقاني جاي أحكيهالك ويحكى ليها ويكتبها
- فى الشغل زودولى المرتب عاوز اجيبلك فستان جديد
- ابننا نجح بتفوق وبيسلم عليكى أوى يا منى وهو جنبى وبيحبك
- وحشتينى أوووى كان نفسي تكوني معايا ونربى العيال مع بعض .
- على فكره انا بدعى ربنا آجى قريب ليكى لكن لما أكمل تربية الولاد زي منتى عاوزه .
- جه عريس لبنتنا ولد طيب أوى وأنا عارف إنك موافقه عشان أنا موافق وهو طيب .
- بحبك أوي .. هجيلك يا منى وبدعيلك وفاكرك وعمرى ما نسيتك وفي قلبى دايماً .
- تعبت أوى يا منى عشان أربى الولاد لكن لما باجي هنا مش بحس بتعب .
- كلهم بيحبوكى وبيدعولك وحشتينى أوى يا حبيبتي
- معلش الجمعه اللى فاتت معرفتش آجى عشان خطوبة بنتك وحاسس إنك معانا.
- فاكره يا منى الأيام الحلوة اللى قضيناها مع بعض فاكره كنت بحبك قد إيه كنتى شايله عنى كتير أوووى ومتخفيش بعمل زى منتى كنتى عاوزه للولاد .
- عاوز أفضل جنبك على طووول واحكيلك وجعي وحشتينى أوى.
لا تعليق يليق بالوفاء والرقي غير

مشاركة رائعة
إبداع في الطرح وروعة في الإنتقاء
وجهداً تشكر عليه
دمت رائع الطرح وافر العطاء
أكاليل الزهر أنثرها في صفحتك
مع خالص تحياتى وفائق تقديري

اخلاص ولا فى الحواديت

موضوع: رد السبت أكتوبر 11, 2014 4:26 am

كان من الافضل ان يقدم لزوجتة صدقة جارية وهى من الاشياء التى تصل الموتى اما كتابة هذة العبارات على الاضرحة ماهى الا قلة علم بالدين اما زيارة المقابر تفيد الزائر وتذكرة بلاخرة نسأل الله الرحمة لموتانا جميعا

» أم حكيم بنت الحارث رمز الوفاء وزوجة الشهداء
» سبحان الله العظيم
» استغفر الله العظيم
» ظهور شخص من يأجوج ومأجوج عند سور الصين العظيم